 - Resepte -  Terug Naar Inhoudsopgave 
Aartappel In Sous (`n Sondagaand gereg) Bestanddele: 1 tel olie 1 ui - fyngekap 1 tel fyngekapte groen rissie 5 gekookte aartappels 1 tel pietersielie sout en peper na smaak 1 kop Bisto-sous Voorbereidingsmetode: Smelt die vet in n pan en sorter die uie en groen rissie, moet nie verbruin. Sny aartappels in dun skywe en voeg by die uie. Voeg pietersielie, sout, peper na smaak asook die Bisto sous. Bedek pan en pruttel vir 30 min. Terug Naar Inhoudsopgave 
Aartappelkaaskoekies Bestanddele: 3 aartappels, geskil 1 ui 1 eier, geklits 30ml koekmeelblom sout en peper na smaak 5ml bakpoeier 125ml gerasperde Cheddarkaas 10ml gekapte pietersielie olie om in te braai Voorbereidingsmetode: Rasper die aartappel en ui saam. Roer die eier, koekmeelblom, sout, peper en bakpoeier by. Roer die kaas en pietersielie by. Skep lepelsvol van die mengsel in vlak, warm olie en braai dit tot goud bruin aan albei kante. Dreineer dit op kombuispapier. Bedien dit dadelik. Terug Naar Inhoudsopgave
Aartappel Souttert Bestanddele: 440g warm fynaartappels (500 ml) 2g sout (2 ml) 45g botter (50 ml) 8g bakpoeier (10 ml) 2 eiers - geklop Voorbereidingsmetode: Meng die warm aartappels, sout en botter. Laat koud word en roer die bakpoeier en eier by. Roer tot glad. Voer `n langwerpige tertbak met die mengsel uit en vul met die volgende vulsel: Bestanddele: 250g ham of koue soutvleis - grof gekap 80g gerasperde kaas (250 ml) 3 hardgekookte eiers - fyngekap 2 eiers 250ml melk 2g sout (2 ml) 500mg peper (1 ml) Voorbereidingsmetode: Meng die vleis,kaas en hardgekookte eiers en skep dit in die aartappelkors. Klop die eier, melk, sout en peper en giet bo-oor. Bak 180° C, 30 min. tot goudbruin en gaar. Terug Naar Inhoudsopgave
Aartappel Viskoekies Bestanddele: 300g gaar gepluisde vis (500 ml) 440g fynaartappel (500 ml) 1 eier 500mg peper (1 ml) 1 klein ui - fyngekap 12,5ml suurlemoensap 5g sout (5 ml) kookolie vir diepvetbraai suurlemoenwiggies pietersielie Voorbereidingsmetode: Meng al die Bestanddele deeglik, vorm in koekies en rol in meelblom. Braai ligbruin aan albei kante in war m olie. Rangskik in `n warm skottel en garner met suurlemoenwiggies en pietersielie. Terug Naar Inhoudsopgave
Aartappel Vleisbroodjie Bestanddele: 500 g gemaalde beesvleis 500 g gemaalde varkvleis 1 ui - gemaal 440 g fynaartappel 5 g sout 500 mg peper 2 eiers - geklop pietersielie Voorbereidingsmetode: Meng die vleis, ui, aartappel, sout, peper en eiers liggies saam. Skep in n gesmeerde bakskottel. Bak 180°C omtrent 1 uur of totdat dit gaar en goudbruin is. Keer uit op n warm opskepskottel. Sit warm of koud voor. Garneer met pietersielie. Terug Naar Inhoudsopgave
Avokadopeer Vulsel Bestanddele: Avokadopeer - Fyn gedruk Mayonaise Sout en Peper na smaak Ui - baie fyn gerasper Voorbereidingsmetode: Meng alles goed saam en gebruik as 'n vulsel op 'n toebroodjie. Terug Naar Inhoudsopgave
Biltong Hierdie is 'n heerlike biltong-resep, maar dit werk meer op "gevoel" as presiese hoeveelhede. So sien jou eerste paar pogings as eksperimente tot jy jou hoeveelhede en weektye reg kry (maak 'n nota van wat jy doen vir volgende keer). En dan hoef jy nooit meer te smag na die smaak van biltong nie! Bestanddele: 2kg Bief - bv. 'n lendestuk, in repe gesny 1/2 koppie Bruin Asyn (onverkrygbaar in Amerika, so ek gebruik Rooiwyn Asyn - werk pragtig) 1/4 koppie Worcestersous Ongeveer 1 koppie goeie kwaliteit klipsout (die groot kristalle, nie gewone tafelsout of growwe sout nie) 1/2 koppie sagte bruinsuiker Wit peper (na smaak) Geskroeide, gemaalde koljander, na smaak (ek gebruik ongeveer 3 eetlepels) Ongeveer 1 teelepel Koeksoda, veral as die vleis redelik taai is Voorbereidingsmetode: Maak gaatjies in die deksels van twee klein botteltjies en gooi die asyn in een en die Worcestersous in die ander (ek gebruik sommer 'n groterige soutpotjie en meng die asyn en Worcestersous). Bestrooi die vleis met die koeksoda, peper en koljander. Strooi 'n bietjie van die klipsout en bruin suiker in 'n dun lagie onder in 'n skottel of bak groot genoeg vir die vleis. Pak 'n lagie vleis in die skottel - begin met die dikste stukke. Besprinkel met die asyn en Worcestersous en strooi weer 'n lagie sout en suiker oor. Herhaal die lae. Maak seker jy gebruik jou speserye op so 'n manier dat hulle opraak net met jou laaste laag vleis. Laat die vleis in die pekel lê vir 8 tot 12 ure (afhangende van hoe dik dit gesny is) Haal die vleis uit en "druk" droog met jou hande - maak seker jy verwyder al die oortollige sout en speserye. Afhangende van jou smaak, kan jy op hierdie stadium meer gemaalde koljander en/of grofgemaalde swart peper in die vleis druk, maar maak seker jy neem notas van wat jy doen sodat jy dit kan onthou en aanpas vir die toekoms. Hang jou vleis op om te droog. Ek het 'n "biltongmasjien" gebou - baie goedkoop en eenvoudig en dit werk soos 'n droom in enige seisoen. Net nie groot genoeg vir 'n hele koei nie! Ek het 'n gewone "box fan" (daai vierkantiges) gevat, vier rakke gebou om op hom te pas - houtrame met "chickenwire" - en dan pak ek die biltong of droëwors op die rakke en hou die hele spulletjie bymekaar met bungee-rekkies. Ek het gewoonlik binne 3 dae biltong, selfs in die somer of wanneer dit bedompig is. Nog nooit probleme met muf gehad nie. Terug Naar Inhoudsopgave
Biltong En Kaasskons Bestanddele: 100ml gerasperde Cheddarkaas 150ml gerasperde biltong 420ml koekmeelblom 15ml bakpoeier 120ml melk 35ml botter/margarien 3ml Bovril 1 eier Voorbereidingsmetode: Sif alle droe bestanddele saam, behalwe die kaas en die biltong. Vryf die botter in die meelmengsel totdat dit korrelrig is. Voeg die kaas en die biltong daarby. Klits die Bovril, eier en melk saam en sny die mengsel met 'n mes in die bottermengsel in. Rol die deeg uit in die verlangde dikte en sny in vierkante. Plaas effens van mekaar op 'n gesmeerde bakplaat en bak by 220C vir plus-minus 12-15 minute. Dien op met botter terwyl dit nog warm is. Terug Naar Inhoudsopgave
Bobotie  Bestanddele: 1 kg beesmaalvleis 1 dik sny bruinbrood 250 ml melk 2 uie, gehalveer en in skywe gesny 30 ml sonneblomolie 15 ml matige kerriepoeier 10 ml borrie 15 ml fyn appelkooskonfyt 1 eier, geklits 30 ml witwynasyn lourierblare 3 eiers 375 ml melk sout en varsgemaalde swartpeper na smaak Voorbereidingsmetode: Verhit jou oond tot 180 grade C. Week die bruinbrood tot sag in die melk. Maak die brood fyn met 'n vurk. Verhit die olie in 'n pan en braai uie tot sag en effens bruin. Voeg die kerriepoeier, borrie en appelkooskonfyt by en braai liggies vir sowat 2 minute. Haal die pan van die hitte af. Meng die maalvleis en brood in 'n mengbak. Voeg die uiemengsel en die res van die bestanddele behalwe die lourierblare by. Meng goed en geur met sout en varsgemaalde swartpeper. Plaas die mengsel in 'n oondbak van sowat 30 x 25 cm en druk die lourierblare bo-op. Sit in die warm oond en bak vir 15 minute. Klits intussen die eiers en melk saam en geur met sout en swartpeper. Haal die bobotie uit die oond en gooi die eiermengsel oor. Plaas terug en bak verder vir nog 25 minute. Terug Naar Inhoudsopgave
Boeliebief Souttert Bestanddele: 3 snye witbrood, korsies verwyder 375ml melk 1x300g boeliebief 1 ui, gekap 15ml olie 250ml gerasperde kaas 3 ekstra groot eiers, geklits Voorbereidingsmetode: Voorverhit oond tot 190C en smeer ‘n medium tertbord met botter of bespuit met Spray & Cook. Meng al die bestanddele en keer uit in tertbord. Bak vir 30-45 minute tot goudbruin en gestol. Bedien met ‘n slaai. Terug Naar Inhoudsopgave
Boereworspastei (Bedien: 6) Bestanddele: 500 g boerewors (oorskiet van braai werk goed) 3 eiers, geklits 1 klein blikkie soetmielies botter, melk, sout en peper 6 medium aartappels, geskil (of een sakkie aangemaakte Smash) 1 k gerasperde Cheddarkaas Voorbereidingsmetode: Braai boerewors, ontvel en sny in dik skywe. Kook aartappels tot gaar. Geur met 'n klont botter en 'n bietjie melk. Voeg soetmielies, ¼ van die kaas en geklopte eiers by. Klop mengsel tot romerig. Pak boereworsskyfies in 'n oondvaste bak en skep aartappelmengsel oor. Druk mengsel plat met vurk. Strooi gerasperde kaas oor. Bak tot kaas gesmelt is en plek-plek bruin begin word. Terug Naar Inhoudsopgave
Cheddarkaas Aartappels Bestanddele: 400g aartappelblokkies (500 ml) 2 klein heel uie 5g sout (5 ml) 250ml witsous 32g gerasperde Cheddarkaas Voorbereidingsmetode: Koos die uitjies in`n bietjie water tot amper sag. Voeg die aartappelblokkies en die sout by en kook totdat die ui sowel as die aartappel sag is. Skep in `n bakskottel, bedek met die witsous en strooi die kaas oor. Bak 200° C tot effens bruin. Terug Naar Inhoudsopgave
Crunchies Bestanddele: 1 koppie koekmeel 1 koppie klapper 1 koppie hawermout twee-derde koppie bruinsuiker knypie sout 125 g ongesoute botter 1 eetlepel goue stroop ½ teelepel koeksoda 2 eetlepels kookwater Voorbereidingsmetode: Meng meel, klapper, suiker en hawermout goed. Smelt botter in klein pannetjie en meng koeksoda en water by en gooi stroop by bottermengsel. Gooi by droë mengsel en meng goed. Voer bakplaat ui met bakpapier. Rol teelepels vol deeg in klein balletjies en sit op bakplaat. Ver genoeg van mekaar sodat koekies nie ineen loop nie. Bak vir 15 tot 20 minute tot gaar by 180°C. Laat in bakplaat afkoel. Terug Naar Inhoudsopgave
Eiervulsel Vir Toebroodjies Bestanddele: 2 Gekookte Eiers - Fyn gedruk Kaas - Baie fyn gerasper Tamatiesous - Baie min Mayonaise Knippie Mosterd Sout Voorbereidingsmetode: Meng alles goed saam en gebruik dit as 'n vulsel op 'n toebroodjie. Terug Naar Inhoudsopgave
Gebakte Roomspinasie  Heerlik! (Genoeg Vir: 6 Persone) (Bereidingstyd: 15 minute) (Gaarmaaktyd: 30 minute) (Oondtemperatuur: 180°C) Bestanddele: 1,3 kg vars spinasie, die dik, wit ribgedeeltes verwyder 3 eiers 500 ml room 100 g parmesaankaas, gerasper 2,5 ml gerasperde neutmuskaat sout en varsgemaalde swartpeper na smaak Voorbereidingsmetode: 1.) Was die spinasie en stoom dit net met die druppels wat daaraan kleef tot sag en verlep. Dreineer, druk die oortollige vloeistof met die hande uit en kap dit rofweg fyner. 2.) Klits die eiers en room en gooi die parmesaankaas, neutmuskaat en geurmiddels by. Wees versigtig met die sout omdat die kaas ook sout bevat. 3.) Gooi die roommengsel by die spinasie en roer dit deur. Giet die mengsel in 'n mediumgroot gesmeerde oondbak van sowat 5 cm diep en bak die spinasie in die boonste helfte van 'n voorverhitte oond vir 30 minute of totdat die bokant bros en goudbruin is. Die middel moet romerig wees. Sit dit voor as bygereg. Wynvoorstel: 'n Droër styl witwyn met sitrus op die neus sal die beste in die spinasie na vore bring. Terug Naar Inhoudsopgave
Gebruike Van Kruie En Speserye  Pimento (Allspice) - Bredies Basiliekruid (Basil) - Tamatie, eier, kaas, skaap, visgeregte en slaaie Lourierblare (Bay leaves) - Sop, bredies, maalvleis, bobotie, piekels, vis en pastas Kappertjiesaad (Capers) - Vis- en ander seekosse Rissiepeper (Cayene pepper) - Kaas- en eiergeregte Chilli - Sterk gegeurde vleis-, vis en groentegeregte Grasuie (Chives) - Slaaie, sop, souse en doopsouse Kaneel (Cinnamon) - Souse en vrugtegeregte, soetpatats, -pampoen, nageregte, soetgebak Naeltjies (Cloves) - Hoender-, vark-, vis- en wildsvleisgeregte Koljander (Coriander) - Vleis, droëwors en biltong Vinkel (Fennel) - Groente en slaaie Knoffel (Garlic) - Vleis, vis, groente en slaaie Gemmer (Ginger) - Soetgebak, kerrie en soet-suur vleisgeregte Peperwortel (Horseradish) - Gebraaide bees en skaap Foelie (Mace) - Bredies, frikkadelle, roomsouse en hoendervulsels Moederkruid (Marjoram) - Sop, bredies and vleisvulsels Ment (Mint) - Groente en vis (met botter) Mostert (Mustard) - Vleis, vis, groente, souse en sop Neutmuskaat (Nutmeg) - Vleis, groente en soetgebak Oreganum (Oregano) - Sop, bredies, slaaie, Italiaanse geregte o.a. pizzas en pastas (wat tamatie bevat) Paprika - Vleisgeregte, groente en slaaie Pietersielie (Parsley) - Sop, vleis, vis, groente, soutgebak, pastas en slaaie Roosmaryn (Rosemary) - Vleisgeregte, hoender, sop en souse Safraan (Saffron) - Rys, vulsels en vleis Salie (Sage) - Vulsels vir vleis en hoender Dragon (Tarragon) - Lamvleis, souse en piekels Tiemie (Thyme) - Vleis (skaap en hoender), groente en sop Borrie (Turmeric) - Kerrie, geelrys Bronslaai (Watercress) – Slaaie Terug Naar Inhoudsopgave
Geglasuurde Wortels  Wortels gee jou nie net krulhare en goeie oë nie, dis ook geskik vir talle geregte. Ek kan my kwalik 'n groentewinkel of huistuin daarsonder voorstel. (Genoeg Vir: 4-6 Porsies) (Bereidingstyd: 15 minute) (Gaarmaaktyd: 30 minute) Bestanddele: 1 kg wortels, geskil, gesny 60 ml botter sout na smaak 7,5 ml suiker 'n hand vol gekapte pietersielie sap van 1 suurlemoen Voorbereidingsmetode: 1.) Sit die wortels saam met die botter, sout en suiker in 'n kastrol en bedek net-net met water. Bring tot kookpunt, sit die deksel op en prut totdat die water weggekook is en die wortels sag en geglasuur is. 2.) Roer die pietersielie deur en voeg suurlemoensap na smaak by. Sit dit voor. Terug Naar Inhoudsopgave
Geroosterde Mielies Met Rissie-Koljander En Komynbotter  (Genoeg Vir: 8 Persone) Bestanddele: 3 rooi brandrissies, fyn gekap (verwyder die pitte as jy nie van 'n sterk brandsmaak hou nie) 250 g botter, teen kamertemperatuur 5 ml fyn komyn 1 hand vol vars koljanderblare, gekap 8 vars mielies, skoongemaak 5 ml sout en vars gemaalde swartpeper na smaak Voorbereidingsmetode: 1.) Maak Die Botter: Meng al die bestanddele, behalwe die mielies en sout en swartpeper, saam tot romerig. Skep dit in 'n opdienbakkie en hou dit eenkant. 2.) Kook die mielies vir sowat 8 minute in water en dreineer dit. Rooster die mielies nou oor matige kole of onder 'n voorverhitte roosterelement totdat dit heeltemal gaar is en swart spikkels op die pitte begin verskyn. 3.) Geur die mielies met sout en vars gemaalde swartpeper en sit dit voor saam met die gegeurde botter. Terug Naar Inhoudsopgave
Gevulde Jalapenos  ’n Jalapeno is ‘n soort rissie wat byna ovale peule het. Dit is vernoem na die dorp van Jalapa in Veracruz, Mexiko. Dit is een van die heel gewildste rissies in Amerika en ‘n mens kry ook ‘n gedroogde weergawe. Koop dit by enige goeie groentewinkel of supermark. (Maak: 40) Bestanddele: 20 gepekelde jalapenos 50 g chedder-kaas, gerasper 2 hardgekookte eiers, gerasper 50 ml mayonnaise 100 ml roomkaas 1 rissie, fyngekap knoffelsout, na smaak Voorbereidingsmetode: Halveer elk van die in die lengte en verwyder die sade. Meng die gerasperde kaas, eiers, mayonnaise, roomkaas en rissie. Geur met knoffelsout. Vul elke helfte met vulsel en bedien. Terug Naar Inhoudsopgave
Groenboontjies Gestoofde groenboontjies was altyd ‘n gunsteling veral as my Ouma ‘n stukkie vet skaapvleis of repies swoerd bygevoeg het vir ekstra smaaklikheid. (Genoeg Vir: So 6 Persone) Bestanddele: 500 g groenboontjies 1 middelslag-aartappel 1 middelslag-ui 1 middelslag-tamatie Sout en peper na smaak 2 E botter of margarien Voorbereidingsmetode: Onthaar en kerf die groenboontjies fyn (omtrent 2 – 3 koppies vol). Skil en sny die aartappel in kwarte of effens kleiner, die uie in skyfies en die tamatie in stukkies. Voeg dit by die boontjies. Voeg ‘n bietjie kookwater by en met die deksel op kook vir ongeveer 35 minute oor matige hitte tot sag – as te droog voeg nog bietjie kookwater by. Maak nou die groenboontjie mengsel fyn met ‘n aartappelfynmaker. Geur met sout en peper na smaak en roer die botter of margarien by. (fyn gekerfde pietersielie daarby ook goed). Sit warm voor. (opgewarm die volgende dag is dit nog lekker). Terug Naar Inhoudsopgave
Guacamole  (Bedien: Omtrent 12 Persone) Bestanddele: 6 grasuie, dun gesny 2 knoffelhuisies, fyngekap 1 warm rissie, fyngekap 2 ryp tamaties, geskil, in blokkies gesny en sade verwyder 2 ryp avokado’s, ontpit en geskil (hou pit) 1 e suurlemoensap 1 t sout growwe peper na smaak Voorbereidingsmetode: Meng die grasuie, knoffel, rissie en tamaties. Druk die avokado fyn met 'n vurk maar nie te sag nie. Meng avokado met grasuie en tamatiemengsel, voeg die suurlemoensap by en geur met sout en peper. Hou verkoel met advokadopere bo-op om verkleuring te voorkom. Bedien met warm tortillaskyfies (beskikbaar by groot supermarkte). Terug Naar Inhoudsopgave
Hoenderlewers Pikante  (Genoeg Vir: 4 Persone) (Bereidingstyd: 10 minute) (Gaarmaaktyd: 20 minute) Bestanddele: 15 ml sonneblomolie 1 ui, fyngekap 1 knoffelhuisie, gekap 500 g hoenderlewers, skoongemaak en middeldeur gesny 1 blik rissiegeur tamaties 100 ml soet rissiesous Voorbereidingsmetode: Verhit die olie in ’n kastrol, voeg die ui by en soteer dit vir twee minute. Voeg die knoffel by. Voeg die hoenderlewers by en braai dit alkant bruin. Voeg die rissiegeur tamaties en die soet rissiesous by. Kook dit vir sowat 15 minute, of tot die lewer gaar is en die sous begin verdik. Sit dit voor met vars korsbrood. Terug Naar Inhoudsopgave
Kaas Wors Bestanddele: 2,25 kg gemaalde varknek 500 g Emmenthaler kaas, in baie klein blokkies gesny 4½ teelepels sout 5 naeltjies ¾ teelepel salpeter 4½ teelepels gemengde kruie 2 teelepels varsgemaalde swartpeper 1½ teelepel gemaalde wonderpeper 1 teelepel tiemie 1 knoffelknol, skoongemaak en fyngedruk Voorbereidingsmetode: Meng die sout en salpeter en werk goed in die vleis in. Laat oornag staan. Voeg die knoffel en kruie en speserye by die vleis. Werk goed deur. Maal alles weer fyn. Werk die kaas goed by die vleis in. Stop die vleis in geskikte derm. Posjeer die wors vir 20 minute in water van 71ºC. Maak gaar soos jy verkies. Terug Naar Inhoudsopgave
Kerrie - Groenboontjies  Dié ou gunsteling is heerlik saam met kouevleise. Gooi gerus ’n paar vars kerrieblare in as jy dit in die hande kan kry, dit gee ’n heerlike smaak. (Maak: 3 liter) (Bereidingstyd: 20 minute) (Gaarmaaktyd: 30 minute) Bestanddele: 2 kg vars groenboontjies, stingelente afgesny 500 g (sowat 3) uie, grofgekap 375 ml water 400 g (500 ml) suiker 500 ml witwynasyn 10 ml borrie 50 ml mielieblom, aangeklam met water om ’n pasta te vorm 40 ml kerriepoeier, of na smaak 15 ml sout 5 heel peperkorrels Voorbereidingsmetode: Gooi die boontjies, water en uie in ’n kastrol en laat dit kook. Verlaag die hitte tot dit stadig prut, sit die deksel op en prut vir 15 minute of tot die boontjies sag is, maar nie pap nie. Roer die suiker en ¾ van die asyn by en laat dit stadig deurkook vir sowat 10 minute. Meng die mielieblom, kerriepoeier, sout, peperkorrels en borrie met die oorblywende asyn. Roer dit by die boontjiemengsel en kook weer stadig vir 20 minute of tot die sous effens verdik het. Skep dit in gesteriliseerde flesse en verseël dadelik. Laat staan liefs vir ’n week of twee voor gebruik sodat die geure kan ontwikkel. Terug Naar Inhoudsopgave
Kerrie Hoender Slaai Bestanddele: 300 g gaar hoenderborsies, in blokkies gesny n halwe koppie seldery n kwart koppie mayo 30 ml vars suurlemoensap 15 ml kerriepoeier vars gemaalde swartpeper na smaak Voorbereidingsmetode: Meng al die Bestanddele baie goed. Plaas dit in n lugdigte houer en hou dit in die yskas vir tenminste 2 ure. Terug Naar Inhoudsopgave
Kerrienoedelslaai  Dis maklik om te maak en smaak sommer vorentoe! (Genoeg Vir: 4 Mense) 250 ml noedels, gekook volgens aanwysings op pakkie. Sous Bestanddele: 2 uie, in ringe gesny kookolie 7,5 ml kerriepoeier 1,5 ml borrie 30 ml blatjang 15 ml appelkooskonfyt 15 ml tamatiesous 80 ml wit asyn knippie sout 30 ml sultanas 1 blik (440 g) pynappelstukke, gedreineer (hou sap) 3 — 4 piesangs, in skywe gesny Voorbereidingsmetode: Soteer die uie in 'n bietjie kookolie tot sag. Voeg kerrie en borrie by en roerbraai nog 'n minuut. Verlaag hitte en voeg res van die bestanddele, behalwe die pynappelstukke en piesangs, by. Prut 'n paar minute. Laat afkoel en meng met die noedels. Voeg die pynappel en piesangs by en roer liggies deur. Terug Naar Inhoudsopgave
Kerriepiesangslaai Bestanddele: 6 piesangs 1 t kerrie 1 k mayonnaise 1 e konfyt Voorbereidingsmetode: Sny piesangs in skyfies, meng sousbestanddele en gooi oor piesang. Terug Naar Inhoudsopgave
Kerrie - Vir Kerrie En Rys  Bestanddele: 5 Uie 25 ml Kerriepoeier 4 tl. Gemmer 2 1/2kg Maelvleis 5 Eetlepels Appelkooskonfyt 1 tl Borrie 4 tl Sout 200 ml Asyn 2 1/2 Eetl Tamatiesous 2 1/2 Eetl Mielie blom (Mezina) 2 Ekstrak blokkies (OXO) 500 ml Kook water Voorbereidingsmetode: Braai uie, kerriepoeier, gemmer en maalvlais tot goudkleurig. Voeg dan die konfyt, borrie, sout, asyn , tamatiesous, Mielieblom, blokkies OXO en kookwater by. Prut op 'n lae hitte vir 15 min en Geniet!!!! Terug Naar Inhoudsopgave
Knoffelbrood Met Parmesaankaas  Dié resep bly 'n gunsteling. (Genoeg Vir: 1 Baguette) (Bereidingstyd: 15 minute) (Gaarmaaktyd: 25 minute) (Oondtemperatuur: 220°C) Bestanddele: knoffelbotter 'n hand vol Italiaanse pietersielie, gekap 80 ml parmesaankaas, gerasper 1 baguette Voorbereidingsmetode: 1.) Voorverhit die oond en meng die pietersielie en parmesaankaas by die knoffelbotter. 2.) Maak insnydings in die baguette – probeer om nie regdeur te sny nie – en druk dan klonte gegeurde botter in die insnydings. Draai die baguette in foelie toe (blink kant na binne). 3.) Sit die baguette in die voorverhitte oond, maak die foelie ná 20 minute oop en bak dit vir nog 5 minute om die brood 'n bros tekstuur te gee. Sit dit warm voor. Terug Naar Inhoudsopgave
Knoffel En Suurlemoen Skaap Tjops
Bestanddele: 4 knokkelhuisies, fyn gekap 1 ml gedroogde roosmaryn 100 ml suurlemoensap 5 ml vars gemaalde swartpeper 20 ml olyfolie 8 skaap tjops Voorbereidingsmetode: Meng al die Bestanddele saam en gooi dit oor die skaap tjops. Marineer die vleis vir tenminste 1 uur. Braai die vleis en geur met sout en peper indien nodig. Terug Naar Inhoudsopgave
Krummelpap (Maak: 6 Porsies) Bestanddele: 1 litre (4 k) water 5 ml (1 tlp) sout 500 ml ( 2 k) growwe mieliemeel ‘n groot klont botter Vars gemaalde swartpeper (opsioneel) Voorbereidingsmetode: Kook die water en sout in ‘n kastrol of potjie. Voeg die mieliemeel in ‘n keëlvormige hopie in die middel van die kokende water by. Moenie roer nie. Sit die deksel op en laat op lae hitte vir 20 minute prut. Moet nie die deksel lig of loer nie! Roer na 20 minute met ‘n groot vurk en na nog twintig minute weer totdat die pap korrelrig en los is. Roer botter en gemaalde swartpeper, net voor bediening in. Geniet! Terug Naar Inhoudsopgave
Krummelpap [Putupap] (Maak: 6 Porsies) Bestanddele: 375 ml water (1,5 k) 5 ml sout (1 t) 300 g mieliemeel (500 ml) (2 k) Voorbereidingsmetode: Kook die water en die sout in 'n kastrol, gooi die mieliemeel stadig by sodat dit ophoop en die water rondom kook. Moenie roer nie. Sit die kastrol se deksel op en kook 10 tot 15 minute lank stadig. Klop goed met groot vurk. Sit deksel op en laat verder oar baie lae hitte gaar word. Dit neem ongeveer 1 uur. Terug Naar Inhoudsopgave
Lamskenkels  Bestanddele: 4 lamskenkels van sowat 600 g elk 100 g meel 100 ml olyfolie 1 blik gekapte tamaties 1 rooi soetrissie, in groot stukke gesny 2 wortels, in groot stukke gesny 2 takke seldery, in groot stukke gesny 1 ui, in kwarte gesny 3 knoffelhuisies 500 ml rooiwyn 2 lourierblare 3 vars takkies origanum 500 ml groente-aftreksel sout en varsgemaalde swartpeper na smaak Voorbereidingsmetode: Verhit jou oond tot 160 grade C. Plaas tamaties, soetrissie, wortels, seldery, ui en knoffel in jou voedselverwerker en kap baie fyn. (As jy nie 'n voedselverwerker het nie, sal jy al die groente self moet fynkap.) Rol die lamskenkels in die meel en skud die oortollige meel af. Verhit die olyfolie in 'n groot kastrol en braai die skenkels tot mooi bruin. Voeg die fyngekapte groente, rooiwyn, lourierblare, origanum en aftreksel by die skenkels. Geur met sout en varsgemaalde swartpeper en maak toe met 'n deksel. Kook vir minstens 3 tot 4 ure tot die vleis feitlik van die been af val. Jy kan ook die deksel van die kastrol afhaal vir die laaste uur as die sous te veel is. Terug Naar Inhoudsopgave
Maklike Kaas Smeer  Hierdie is 'n maklike, lekker resep en baie handig vir skool toebroodjies. (Maak: Ongeveer So 6-8 Medium Botteltjies) Bestanddele: 1 kg Berg Processed Kaas (Hierdie Kaas Is Die Beste Om Te Gebruik) 2 koppies Melk 500g Rama Botter Voorbereidingsmetode: RASPER KAAS KOOK ALLES SAAM OOR LAE HITTE TOT GLAD EN GEEN KLONTE, HOU AAN ROER. NB: 'N EKSTRA 1/2kp MELK KAN EENKANT GEHOU WORD AS KAAS SMEER TE DIK IS KAN DIT BIETJIE, BIETJIE BY GEGOOI WORD, SODAT DIT NIE TE DIK IS NIE. GOOI DADELIK IN BOTTELTJIES, LAAT AFKOEL VOOR DEKSELS OP GESIT WORD. HOU IN YSKAS Terug Naar Inhoudsopgave
Maklike Mieliebrood In 'n Blik  (Genoeg Vir: 4 Mense) (Bereidingstyd:15 minute) (Baktyd: 45 minute) (Oondtemperatuur: 160°C/325°F) Bestanddele: 250 g spek, gekap 410 g blik mieliepitte, gedreineer 60 ml pietersielie, gekap 100 ml koekmeel 50 ml suurroom 5 eiers 2.5 ml sout swartpeper na smaak 5 ml bakpoeier Voorbereidingsmetode: Braai die spek in hulle eie vet in 'n braaipan tot bros en dreineer dit dan op kombuispapier. Gooi die orige bestanddele by en meng deur. Smeer 'n groot konfytblik met botter en voer die blik met gesmeerde bakpapier uit. Gooi die blik driekwart vol met die beslag. Bedek dit met foelie en bak dit in 'n voorverhitte oond vir 30-45 minute. Keer die brood uit, sny dit in dik snye en sit dit voor saam met botter en gerasperde kaas. Terug Naar Inhoudsopgave
Mexikaanse Guacamole  (Genoeg Vir: 200 ml) (Bereidingstyd: 5 minute) Bestanddele: 1 groot, ryp avokado, fyngedruk 15 ml vars suurlemoensap 15 ml fyngekapte ui 1 rooiryp tamatie, skil en pitte verwyder en in blokkies gesny 1 - 2 groen brandrissies, ontpit en gekap 30 ml vars koljanderblare sout en varsgemaalde swartpeper na smaak Voorbereidingsmetode: Meng al die bestanddele saam. Moenie te lank vooraf berei nie, want die avokado gaan verkleur. Terug Naar Inhoudsopgave
Nacho's  Bestanddele: Dorito’s Nacho Cheese Chips Dorito’s Salsa Mix Gerasperde Cheddar en/of Mozzarella Kaas Suurroom Guacamole (Fyngemaakte avo met chilli speserye, sout, peper en aromat) Voorbereidingsmetode: Gooi ‘n laag chips in die hoeveelheid bordjies soos benodig. Drup salsa na smaak oor chips. Herhaal. Strooi gerasperde kaas bo-oor en bak/grill in oond tot gesmelt of sit in mikrogolf tot kaas gesmelt is. Bedien met suurroom en guacamole. Terug Naar Inhoudsopgave
Oondgeroosterde Knoffel  Dis die lekkerste ding om 'n huisie gekaramelliseerde knoffel uit die skil te druk en weg te lê aan die subtiele, murgsagte geur. 'n Mens kan ook die knoffel by die pansappe van geroosterde lamsvleis roer om 'n geurige sous te maak, of gooi dit by enige kasserolgereg. (Bereidingstyd: 2 Minute) (Gaarmaaktyd: 40 Minute) (Oondtemperatuur: 180°C) Bestanddele: knoffelbolle olyfolie lourierblaar vars takkies tiemie Voorbereidingsmetode: 1.) Voorverhit die oond, sny die knoffelbolle in die helfte en drup olyfolie bo-oor. Sit 'n paar tiemietakkies bo-oor of druk 'n lourierblaar in en bak die knoffel vir sowat 40 minute of tot sag. 2.) Lees die wenke, of bêre die uitgedrukte puree vir hoogstens twee weke in die yskas. Onthou om dit met 'n lagie olyfolie te bedek. Wenke: Maak 'n heerlike sous deur 30ml knoffelpuree met 15ml olyfolie, 15ml masala en 100ml dik room te meng. Gooi dit in 'n kastrolletjie, kook oor lae hitte tot 'n dik sous en geur dit met sout en swartpeper. 'n Mens kan die knoffelpuree ook gewoonweg geur met sout en swartpeper en klop tot 'n dik botter wat op geroosterde baguettes of biefstuk gesmeer kan word. As die geur te sterk is, kan jy dit met 'n bietjie roomkaas meng vir 'n heerlike smeer. Terug Naar Inhoudsopgave
Pampoentjie  Sny ’n lemoenpampoentjie, skorsie of ander klein pampoentjie middeldeur en haal die pitte uit. Kook dit in ’n bietjie water tot dit net sag is, en dreineer dit. Maak ’n vulsel deur: 125 g fyngekapte strepiespek te braai tot dit bros is. Giet die oortollige vet af en voeg ’n halwe gekapte geel en rooi soetrissie by. Soteer die soetrissies vir twee minute. Skep die vulsel in die pampoentjiehalwes en pak dit op ’n bakplaat. Strooi gerasperde mozzarella bo-oor en rooster dit in die oond tot die kaas gesmelt het. Geniet! Terug Naar Inhoudsopgave
Pannekoek  Pannekoek kan op talle verskillende maniere voorgesit word. Jy kan dit met maalvleis vul en die lekkerste cannelloni daarmee maak. Sommer net so gebak, met kaneelsuiker oor en saam met suurlemoen voorgesit, is dit eenvoudig heerlik. (Genoeg Vir: 60 Pannekoeke) (Bereidingstyd: 20 minute (plus rustyd van 1 uur) (Gaarmaaktyd: 1 uur)  Bestanddele: 4 x 250 ml (480 g) koekmeel 5 ml bakpoeier 10 ml sout 10 ml strooisuiker 8 ekstragroot eiers 1 liter melk 250 ml olie 10 ml suurlemoensap of brandewyn Voorbereidingsmetode: 1.) Sif die koekmeel, bakpoeier, sout en suiker saam. Klits die eiers en klop die melk geleidelik by. 2.) Voeg die melkmengsel bietjies-bietjies by die meelmengsel en maak eers aan tot 'n pasta. Voeg nog van die melkmengsel by en meng dit met 'n houtlepel tot die mengsel glad en loperig is. Voeg die res van die melkmengsel by en meng. As dit klonterig is, kan jy 'n voedselverwerker of handmenger gebruik om van die klonte ontslae te raak óf jy kan dit deur 'n sif gooi. 3.) Klop die olie in 'n dun straaltjie by. Die beslag sal effens verdik. Roer die suurlemoensap by en laat dit vir sowat 'n uur staan voordat jy die eerste pannekoek bak. 4.) Verhit 'n staal- of gietysterpan. Skep net genoeg beslag in die pan om die bodem te bedek, kantel die pan tot die bodem bedek is en sit die pan terug op die hitte. Bak dit vir sowat 'n minuut. Keer die pannekoek om en braai vir nog sowat 'n minuut. Hou pannekoek warm op 'n bord oor 'n kastrol met warm water. Terug Naar Inhoudsopgave
Piesangslaai  Die slaai is heerlik yskoud, en gaan veral lekker saam met 'n braaivleisie. Bestanddele: 6 tot 8 groot piesangs 300 - 500 ml piesangjogurt 'n derde tot 'n halwe blikkie kondensmelk 10 ml suurlemoensap Voorbereidingsmetode: Die piesangs word in skyfies gesny en gemeng met die jogurt, kondensmelk en suurlemoensap. Jogurt en kondensmelk kan maar bygevoeg word volgens smaak. Die suurlemoensap verleen nie net lekker smaak nie, maar keer ook dat die piesangs swart word. Terug Naar Inhoudsopgave
Romerige Hoender  (Genoeg Vir: 4 Mense) (Bereidingstyd: 20 minute) (Gaarmaaktyd: 30 minute) Bestanddele: 30 ml olie 3 groot hoenderborsies, in repies gesny 1 ui, gekap 5 bruinsampioene, gekap 1 rooi soetrissie, gekap 30 ml meel 180 ml hoenderaftreksel, warm 375 ml volroommelk, warm 250 ml bevrore ertjies Voorbereidingsmetode: Braai die hoenderrepies in 15 ml olyfolie in 'n swaarboomkastrol tot goudbruin en gaar. Skep uit en hou eenkant. Braai die ui en sampioene in die res van die olie indieselfde pan tot die ui glansend en die sampioene sag is. Voeg die soetrissie en meel by en roer deur. Voeg die warm aftreksel by terwyl jy aanhoudend roer. Roer ook die melk by. Prut terwyl jy aanhoudend roer tot die sous dik en deurgaar is, ongeveer 15 minute. Skep die hoender en die ertjies by en verhit tot deurwarm. Geur met sout en peper en gekapte pietersielie. Sit voor met basmatirys of roer deur gaar pasta. Terug Naar Inhoudsopgave
Scone Resep  Bestanddele: 250 mls room (1 koppie) 1 klein blikkie limonade (kroeg grootte) 1 klein pakkie 'selfraising flour' 1/2 tlp sout Voorbereidingsmetode: Sif sout en meel. Sny room en limonade in, meng versigtig. Rol uit, verf met geklitse eier of melk en bak in vooraf verhitte oond 220 vir ongeveer 15 tot 20 minute. Terug Naar Inhoudsopgave
Spaanse Aartappels (Bedien: 4 Persone) Bestanddele: 1 lepel gekapte uie 2 lepels gekapte groen rissies 4 lepels olie 2 kop gekookte aartappels - gekap ½ kop gekookte ham - gekap sout na smaak ½ tel paprika Voorbereidingsmetode: Braai uie, groen rissie tot goudbruin. Voeg aartappels, ham, sout en peper. Kook tot sag. Terug Naar Inhoudsopgave
Stamp Mieliegereg Bestanddele: 4 Koppies Gaar Stampmielies 2 Uie 250g Sampioene 250g Bacon Bits 1 Koppie Mayonnaise 1 Koppie Room 1/2 Koppie Blatjang 1 Pakkie Bruinuie Sop Gerasperde Kaas Pietersielie Rooi Peper Voorbereidingsmetode: Braai die uie, bacon en sampioene tot gaar. Meng die sop, mayonaise, Blatjang en room saam. Meng alles saam en gooi in bak, strooi kaas oor, gooi die pietrsielie en rooi peper oor en bak tot kaas gesmelt. Geniet dit saam met braaivleis of sommer net met 'n slaai. Terug Naar Inhoudsopgave
Stywe Mieliepap Kook 6 koppies water, voeg ‘n ½ teelepel sout by. Gooi nou 2 koppies meel so droog in die middel van die kokende water, laat die droë meel so stil lê en kook dit vir ‘n uur, roer dan totdat daar nie meer klontjies in is nie. Skuif na agter toe op die stoof en laat so stadigaan gaar word. Roer af en toe, pasop vir brand. Dit sal ‘n bietjie droog en krummelrig wees. Roer klont botter in. Terug Naar Inhoudsopgave
Tamatieblatjang  Bestanddele: 1 kg tamaties 250 g bruinsuiker 250 ml witasyn 250 g sultanas 15 ml mosterdpoeier 15 ml fyn gemmer 15 ml sout 2 uie, in dun skyfies gesny 1 ml rooipeper Voorbereidingsmetode: Dompel die tamaties 'n paar minute in kookwater en daarna in koue water en trek die skillitjies af. Sny die tamaties fyn. Meng al die Bestanddele en kook dit stadig tot die regte dikte verkry is. Roer dit af en toe om te verhoed dat dit aanbrand. Bottel dit warm en maak seker dat geen metaal die blatjang raak nie. "Kook en Geniet" Terug Naar Inhoudsopgave
Tamatie En Uie Sous Vir Pap En Wors
 Bestanddele: 1 Blikkie fyn tamaties OF 5 geblanseerde tamaties 1 groterige ui 1 Pakkie Uie sop Bisto Sout en peper Voorbereidingsmetode: Braai uie tot goudbruin, voeg gekerfe tamaties by en prut vir 5 min tot alles deurwarm is. Meng die Uiesop en 3 eetlepels Bisto met 'n 600 ml water en voeg by. Indien jy dit dikker verkies gooi meer Bisto by. Voeg sout en peper by en geniet!!! Terug Naar Inhoudsopgave
Vars Vrugte In Gemmerstroop  Die gemmerstroop kompleteer die smaak van die vrugteballetjies en sal jou ook aangenaam verras. Sit dit yskoud voor. (Genoeg Vir: 6 Porsies) (Bereidingstyd: 40 minute) Bestanddele: 1 klein waatlemoen 1 geel spanspek 1 groen spanspek vars mentblare Stroop: 500 g suiker 1 liter water skil van 1 suurlemoen, in repies gesny skil van 1 lemoen, in repies gesny 'n stuk vars gemmer, geskil, gerasper  Voorbereidingsmetode: 1.) Roer die suiker en water oor lae hitte totdat die suiker opgelos is. Voeg die oorblywende bestanddele by en bring tot kookpunt. Prut vir sowat 'n uur of tot stroperig. Laat afkoel en verwyder die suurlemoen- en lemoenskil. 2.) Gebruik 'n balletjie-skeplepel en maak balletjies van die vrugte, of sny dit net in blokkies. Plaas die vrugte in die afgekoelde stroop en voeg die mentblare by. Meng dit deur en sit dit vir sowat 1-2 uur in die yskas. Sit dit voor saam met Griekse jogurt, geklopte room of roomys. Terug Naar Inhoudsopgave
Vetkoek  Bestanddele: 1 kg koekmeel ½ e sout 1 pakkie kitsgis (10g) 'n half liter louwarm water Voorbereidingsmetode: Meng koekmeel, sout en kitsgis. Voeg water by droë bestanddele en meng goed tot alle bestanddele nat is. Knie tot die deeg elasties is. Laat die deeg 15-30 min staan om te rys. Knie die deeg weer af. Rol uit en sny in stukke (grootte volgens voorkeur). Diepbraai in rook-warm olie tot goudbruin. Terug Naar Inhoudsopgave
Visvinger Hotdog Bestanddele: 30 ml mostert 15 ml bruin suiker 30 ml suurlemoensap 90 ml olyfolie slaaiblare, gewas komkommer, in skywe gesny 8 visvingers hot dog rolletjies gebraaide uie Voorbereidingsmetode: Meng die mostert, suiker, suurlemoensap en olie goed saam. Braai die visvingers in die oond volgens die aanwysigings op die pakkie. Plaas die rolletjies vir n kort rukkie in die oond saam met die visvingers. Sny die rolletjies oop en plaas die slaaiblare, komkommer, visvingers, sous en gebraaide uie in die rolletjies. Terug Naar Inhoudsopgave
|
